Stord-selskap kjøper pioneranlegg for biogass

Alltec på Stord vant konkurransen om å kjøpe Romerike biogassanlegg. Nå lover selskapet store oppgraderinger og ny satsing på biogass i Norge.

Oppkjøp: Det Stord-baserte selskapet Alltec har fått tilslaget på kjøpet av Romerike biogassanlegg på Esval i Nes kommune. Anlegget var det første storskalaanlegget i Norge som gjorde matavfall om til flytande biogass og biogjødsel då det opna i 2012.

Oslo kommune vedtok salet i bystyremøtet 28. april. Salssummen skal vere på litt over 50 millionar kroner.

Kommunikasjonsansvarleg Marie Engelsen Launes i Alltec seier selskapet er svært nøgd med å ha vunne konkurransen om anlegget.

– Vi er svært stolte over å ha levert det tilbudet som ble vurdert som best, med høyest score på både kvalitet, klima og miljø, samt pris, seier ho.

Alltec har norsk hovudkontor på Stord og er eigd av det franske energikonsernet Française de l’Énergie. Selskapet er del av ei større satsing på biogass, hydrogen og solenergi i Noreg.

Ifølgje Launes skal anlegget no gjennom ei stor oppgradering.

– Vi planlegger en betydelig oppgradering av anlegget, blant annet med nytt forbehandlingssystem og nytt system for flytende biogass. Vi skal også integrere et karbonfangssystem som skal fange CO₂-utslipp fra produksjonen, og vi skal bygge et helt nytt luktanlegg, seier ho til Raumnes.

Ho understrekar at selskapet ønskjer å gjere anlegget til ein betre nabo for nærmiljøet.

– Vårt mål er at Romerike biogassanlegg skal bli et utstillingsvindu for moderne, utslippsfri sirkulærøkonomi, seier Launes.

Alltec er allereie i gang med bygging av eit nytt biogassanlegg i Halsa i Nordland, og planlegg også oppstart av eit anlegg på Mosterøy utanfor Stavanger. Selskapet opplyser at Romerike-anlegget skal bli eit sentralt anlegg i den vidare norske satsinga på biogass.