«Ekspressen» ferdig restaurert, vekker minner i Sandeid og Vindafjord

Den legendariske hurtigbåten «Ekspressen», som i fleire år hadde fast stopp i Sandeid, er no ferdig restaurert etter eit omfattande arbeid til 15 millionar kroner. Snart kan veteranbåten igjen setja kursen mot Rogaland, og kanskje også Vindafjord.

«Ekspressen» Den historiske hurtigbåten «Ekspressen» er nå ferdig restaurert etter fleire år med arbeid. Båten, som i si tid trafikkerte ruta mellom Stavanger, Ryfylke, Sauda og Sandeid, kan snart vera klar for nye turar på sjøen. For mange i Vindafjord vekkjer dette sterke minne frå ei tid då båten var ein viktig del av kvardagen.

Ifølgje lokalavisa Grannar er fartøyet restaurert ved Oma Slipp & Mekaniske Verksted AS i Leirvik. Målet var opphavleg å få båten klar til Stavangers byjubileum i fjor, men prosjektet har teke lengre tid enn planlagt.

Fast stopp i Sandeid

På slutten av 1960-talet og byrjinga av 1970-talet hadde «Ekspressen» fast kveldsstopp i Sandeid. Båten kom inn rundt halv ni om kvelden og gjekk tilbake mot Stavanger neste morgon. Mannskapet budde i bygda og vart ein del av lokalmiljøet.

Fleire frå denne tida lever framleis. Ein av dei er 90 år gamle Johan Finnvik frå Sandeid, som arbeidde som matros og billettør om bord. Han besøkte nyleg Leirvik for å sjå resultatet av restaureringa.

Kostbar restaurering

Prosjektet skal ha kosta rundt 15 millionar kroner. Om lag halvparten av summen kjem frå statlege kulturmidlar. Det har mellom anna vore nødvendig å kjøpe ein donorbåt frå Italia og skaffe foilar frå Japan.

Båten hadde tidlegare vore brukt som husbåt på Austlandet og Sørlandet, og både motor og foilar var fjerna då arbeidet starta.

Klar for nye turar

Når dei siste testane er unnagjorde, skal «Ekspressen» gå for eigen maskin frå Leirvik til Stavanger. Der blir det ny heimehamn, sjølv om endeleg plassering ikkje er avgjort.

Planen er at veteranbåten skal nyttast til turar med mindre grupper på inntil 40 passasjerar. Inntektene skal gå til vedlikehald og nedbetaling av gjeld.

Kan koma tilbake til Vindafjord

Folk bak prosjektet vil ikkje love tur til Sandeid eller Vikedal denne sommaren, men dei utelukkar heller ikkje at det kan skje.

For mange i Vindafjord vil eit nytt besøk frå «Ekspressen» vera meir enn ein båttur. Det vil vera eit møte med lokal historie.