Reagerer på hemmelighald: – Uakseptabelt å stoppe strøyming av politiske møte
Etne FrP reagerer kraftig på at strøyming av politiske møte blir sett på pause når kommunen flytter til mellombelse lokale på Skakke frå juni.
Av Egil M Solberg | 26.05.2025 18:28:25
Kommune: – Dette er i strid med reglementet og svekker openheit og innsyn, seier Kenneth Karlsen i Etne FrP.
Karlsen har sendt brev til ordføraren der han ber om at saka blir tatt opp i formannskapet 3. juni. Han viser til punkt 2.1 i reglementet, som slår fast at møte i kommunestyret, formannskap og hovudutval skal strøymast – ikkje bør.
FrP meiner kommunen må finne ei mellombels løysing dersom dagens system ikkje kan nyttast. Forslaget inkluderer strøyming via mobil, nettbrett eller PC.
– Det handlar om demokrati og innbyggjarane sitt høve til å følgje med, seier Karlsen.
Han ber formannskapet vedta at strøyming skal vidareførast så langt det er teknisk mogleg.
